Porrentruy – D4L

Donnsti 29. Novämber 18:30, mir träffe üs für a üse letst Match vor Hirundi z fahre. Es geit drum no di letste 3 Pünkt z hole für när id Winterpouse z ga. Chli verspätet chöme mer ah aber si parat dä Match für üs z entscheide. Starte düemer leider mitere fautsche Positionsufstellig. Höchkonzentriert schaffe mers aber der erst Satz für üs z entscheide.

Vou motiviert starte mer i 2. Satz aber mache ei Eigefähler nachem angere. Dä verlüre mer dür üsi eigete Fähler klar.

Im 3. Satz zeige mer 100% ihsatz und gwinne dä widerum klar.

Der Höhepunkt vom Spiu isch aber der 4. Satz gsi. 4:15 isch der Rückstand womer ufzhole hei. Und mir vö afa kämpfe und höre nid uf, bismer der Satz, und somit o der Match, schliesslech 26:24 chöi für üs entscheide.

Merci Märcu füre super Ihsatz am Spiufäudrand!!

 

Jetzt freue mir üs uf d Rückrundi ide Playoffs!