Teamausflug Damen 1

Eis Team, ei Stadt und ei Ufgab. Üses Ziel, „Finding Fox“.

Am Sunnti 8 Oktober 2017 hei mir aus Team e Usflug gmacht.

Drü viertu vom Team si no rächt müed gsi, wiu mir am vorder Oben o dr Physio Abschluss vo dr Jasmin/Jasi si go fiere. Trotz Müedigkeit si mir uf e 11.38  Zug fr nach Thun.

Dört acho si mir aui zämä zum Start vom Foxtrail atrabet. Die ersti Ufgab isch vom Team MädiLana vorgläsä worde. Mir si aui i Bös gstige und si denn bim erst Uftrag wider use.

Hundeseckli mit Wasser uffüue, isch üsi Mission gsi. Zum sicher go hei mir gad zwöi Hundeseckli ufgüüut. U witer geit üsi Mission. Düre Waud, Stäge ufeloufe, wieder abe, dürs Autersheim, ar Aare entlang loufe und ou zum Schloss hei üs die verschiedene Ufträg brocht. Mit würfle es Wort usefinge, Tier errate, Zahle uf Strasselampe finge und vili angeri Ufgabe hei mir müesse erledige, dass mir as Ändi chöme. Derzue hei mir die schöne Ussichte dörfe gniesse. Dank dr Sunne hei mir üs ou es Pöuseli gönnt. Are schöne Terasse, mit Ussicht uf d Aare hei deu es Kaffe oder es huusgmachts icetea gnosse.

Ungerwegs hei mir über aues u nüt diskutiert u hei üs aus Team mou angers dörfe erläbe.

Nach 16 Ufgabe, einigi Lachafäu, ei Usrütscher im Waud (gäu Lana), e gmüetlechi Pouse si mir am Ändi acho. Click Click hets gmacht u de hets no gad es Teamfoto ergä.

Nach dere schöne „asträngig“ si mir zrug nach Biel gfahre. Einigi hei e Nuck gno, angeri hei no öpis gässä oder hei witer zämä gschwätzt.

Heil z’ Biel acho, hei aui no dr gmüetlech Sunnti Abe gnosse.

 

Merci fr dä fägig Usflug u vorauem es GROSSES MERCI dr Lana und em Mädi, fr die super Organisation!!

 

Kaha!